ФудбалФудбал - ВТОРА ЛИГА

Дарко Грозданоски нов напаѓач на Победа

Прилепскиот второлигаш Победа во последните часови од зимскиот преоден рок обезбеди засилување на најневралгичната точка во тимот – напаѓач.

Нов шпиц на Победа во пролетната полусезона ќе биде младиот Дарко Грозданоски. 21-годишникот во Победа доаѓа од кратовски Силекс, чиј играч беше изминатаата година ипол, а во есенската полусезона како позајмен фудбалер настапуваше за Тиквеш од Кавадарци при што на 14 натпревари постигна 4 голови.

Минатата сезона во Првата лига настапи на 20 натпревари за Силекс при што постигна 2 гола (против Вардар и Струга Трим Љум).

Станува збор за млад, но веќе афирмиран фудбалер кој минал низ Младинската школа на Црвена Звезда, Чукарички и БСК Белград во кои тренери му биле познати имиња на српскиот фудбал како Огњен Короман, Александар Трифуновиќ, Душко Љубичиќ.

Со доаѓањето во Прилеп младиот голгетер Грозданоски има убава можност претстојната пролет со своите квалитети да се докаже во екипата на Победа која е составена главно од фудбалери негова генерација-родени 1999-тта година и со своите игри и голови да му помогне на клубот во претстојната пролетна полусезона во која приоритет е сочувување на второлигашкиот статус.

Поврзани Наслови

Back to top button
error: Текстот е заштитен !!