Тренерот на Барселона Чави беше задоволен по ремито на неговиот тим со Севиља во Андалузија во одложениот натпревар од четвртото коло на Примера.
Каталонците одиграа 1:1 и можеа да ги својат сите три бода со оглед на тоа што во последниот половина час имаа играч повеќе поради исклучувањето на Кунде.
„Тешко ми е кога не победуваме, навистина. Ќе ми биде тешко да заспијам. Мислам дека требаше да победиме. Сликата од клупата беше многу добра. Мислам дека ова е Барселона што луѓето сакаат да ја видат“, рече Чави и продолжи:
„Имавме исклучително добри моменти. Тимот одигра одлично и ние сме на добар пат. Севиља е многу искусен и силен тим“.
Севиља е втора со 38 бодови, водечкиот Реал Мадрид има пет повеќе, додека Барселона е седма со 28 бодови.
Севиља на 3 јануари ќе гостува во Кадиз, а тимот на Чави ден порано кај Мајорка.
