БВК Коњари го декласираше Смиљковци, Марино со триумф над Миладиновци

Во неделата започна новата сезона од Општинската фудбалска лига во Гази Баба со натпреварите од 1. коло.

БВК Коњаре 11:1 Смиљковци

Најголема победа запиша екипата на БВК Коњаре која е најголем кандидат за враќање во Третата лига – Север. Екипата на домашен терен беше подобра од Смиљковци со 11:1. Резултатот беше отвоен во 3. минута со гол на Аљији Висар за водство на домашната екипа. Седум минути подоцна Бишевац Нермин зголеми на 2:0. Гостинската екипа во 15. минута со гол на Блажевски Бобан намали на 2:1, но нивните надежи за изненадување на натпреварот завршија со четири брзи гола на БВК за водство од 7:1 до 28. минута. Два гола постигна Јакупи Сеад за 4:1, а потоа до хет-трик стигна Рушидовски Џенгис за водство на домашната екипа од 7:1. Во второ полувреме немаше промени, БВК продолжи со доминацијата, а Смиљковци немаше сили да го запре налетот и нивната мрежа продолжи да се тресе. Во 47. минута Јакупи Сеад со нов гол зголеми на 8:1. Мустафи Бесим ја стресе мрежата на гостите за 9:1 во 51. минута, а десет минути подоцна нововлезениот Смајовиќ Емир постигна гол за 10:1. Конечните 11:1 ги постави Салихаси Љавдрим во 75. минута.

Миладиновци 0:1 Марино

Дербито меѓу Миладиновци и Марино заврши со минимална победа за гостинската екипа од 0:1. Стрелец на единствениот гол беше Стефан Војновски.

Долно Коњари 2:0 Ржаничино

Екипа на Долно Коњари со победа ја стартуваше новата сезона, откако на домашен терен славеше со 2:0 над Ржаничино.

Инџиково 2:3 Гоце Делчев

Интересен и незвесен натпревар се одигра во Инџиково, каде истоимената екипа беше поразена од Гоце Делчев со 2:3. Резултатот на полувреме беше 1:1, а во вториот дел гостинската екипа беше подобра и новата сезона ја започна со победа.