Второлигашот Гостивар продолжува со квалитетни засилувања за новата сезона, во која целта ќе биде враќање во Првата македонска фудбалска лига.
Ново име кај овој второлигаш е Благоја Спиркоски, играч од средниот ред со прволигашко искуство.
25-годишникот ова лето дојде во редовите на шампионот Шкупи, но потоа одлучи да се пресели во Гостивар.
Минатата сезона настапуваше за Силекс, а претходно играше и за Пелистер, Македонија ЃП, Победа, Еуромилк ГЛ, 11 Октомври, Хоризонт Турново и кичевски Напредок.
