Струмичкиот прволигаш Беласица денес и официјално ги потпиша четирите српски таленти кои ќе треба да помагат во борбата за опстанок во Првата македонска фудбалска лига.
Александар Вулиќ, Миленко Мијатовиќ, Страхиња Шево и Дамир Аврамовиќ се новите засилувања за пролетниот дел, кои во Струмица доаѓаат од српската екипа Инџија.
Србите ставија потпис на договор во времетраење од две ипол години.
Беласица есенската полусезона заврши на последното место на табелата со само 9 освоени бодови, а во пролетниот дел ќе води тешка борба за опстанок во елитата.
