ФудбалФутсал

Арбен Бајрами го разнесе Кратово со 14 гола

Арбен Бајрами одигра одличен натпревар и ја оправда фаворитската улога, откако на домашен терен со високи 14:5 го разнесе Кратово во последното коло од есенскиот дел од Првата футсал лига.

Кратово немаше сили да се спротивстави на одличната и расположена екипа на Арбен Бајрами која во првото полувреме имаше водство од 8:1. Резултатот беше преку Исмаили кој во 3. и 4. минута постигна два гола за 2:0. Моќната игра продолжи и во 9. минута веќе беше 3:0 овој пат стрелаше Сулејмани. Гостите намалија на 3:1 преку Александар Стојановски, а потоа следуваше тотална доминација на домаќините. Реџепи погоди за 4:1, Сулејмани зголеми на 5:1, по што следуваа три брзи гола на Далип за 6:1 и Реџепи кој погоди два пати за 8:1.

Во второто полувреме немаше промени. За пет минути игра домаќините имаа водство од 11:1, а стрелаа Веселовски, Стојковски и Сулејмани. Кратово заигра нешто подобро и постигна три гола и резултатот беше 11:4 со едниот гол на Александар Стојановски и двата на младиот Давид Стојановски. Домаќинот преку Далип зголеми на 12:4, а Мјаку погоди за 13:4. Никола Јовановски погоди за Кратово со што резултатот беше 13:5, а конечниот резултат го постави Игор Стојковски за 14:5.

Пролетниот дел од сезоната Арбен Бајрами ќе го стартува на домашен терен со Кеги Моби од Велес, додека Кратово ќе гостува во Штип кај екипата на Мал Ајакс.

Reklama

Поврзани Наслови

Back to top button
error: Текстот е заштитен !!