Суперлигашот Радовиш од денес го презеде Андон Бошковски кој ќе има задача да обезбеди опстанок во Супер лигата.
Тренерската смена доаѓа после трите порази на радовишани во плеј-аутот од Супер лигата. Како што информиравме претходно, Љупче Мијалов си поднесе оставка веднаш после поразот во Прилеп.
Бошковски последно беше во Голден Арт КЛ7, а вечерва го имаше и првиот тренинг со новата екипата и ги запозна играчи.
Спортска Мрежа веќе информираше дека засега не е познато дали Мијалов ќе остане во клубот и ќе биде дел од стручниот штаб, но наскоро се очекува и ова прашање во клубот да биде заокружено со позитивен исход.
Бошковски ќе дебитира веќе викендот кога во СРЦ „25 мај“ се игра големото дерби против лидерот Тиквеш.
