Академија Пандев продолжува со пријателските натпревари во рамки на летните подготовки за европскиот предизвик и новата сезона од Прва лига и доживеа пораз на натпреварот против Левски со резултат од 1:3, кој се играше за трофејот „Георги Соколов“.
Бугарскиот тим на полувреме имаше водство од 0:2 со погодоците на Роналдо и Бари. Во 70. минута преку втор гол на Бари, бугарскиот тим имаше водство од убедливи 0:3. Во 82. минута Сашко Пандев постигна гол за струмичани и го ублажи поразот на конечните 1:3.
Академија Пандев во Бугарија се подготвува за европскито настап во Конференциската лига на УЕФА, каде во првото квалификациско коло ќе игра против Лехија Гдањск од Полска.
