Вечерва во 20 часот ќе се одигра мега-дербито меѓу Овче Поле и Балкан, во рамки на 22. коло на Втората футсал лига. Мега-дерби кое ќе одлучува кој директно ќе патува во Првата футсал лига.
Двете екипи имаат отворени амбиции и сакаат следната сезона да бидат дел од Првата футсал лига на Македонија.
Ланскиот прволигаш Овче Поле ќе биде домаќин и ќе има поддршка од домашната публика, а пак Балкан кој зимава промовираше неколку засилувања и го подигна квалитетот во своите редови оди по победа на „жешкиот“ терен во Свети Николе.
Натпреварот се игра во спортската сала „Цар Самоил“ во Свети Николе, прв судија ќе биде Доне Ристовски од Гевгелија, втор судија ќе биде Боби Величков од Велес. Делегат на натпреварот ќе биде Македонче Дуртаноски од Прилеп, контролор на средбата ќе биде Илија Гонев од Неготино, а пак комесар за безбедност на ФФМ ќе биде Атанас Ризов од Кавадарци.
