Екипата на Маџари Солидарност ја запиша највисоката победа во рамки на 6. коло од Општинската фудбалска лига во Гази Баба или Четврта лига по ранг на натпреварување.
Маџари денес со 4:0 на домашен терен беше пресилен противник за Дељадровци, откако со фудбалска доминација на теренот, домаќинот имаше 3:0 на полувреме со двата брзина гола на Златан Крстевски и голот на Андреј Андреевски. Во вториот дел Бурхан Селими постигна гол за конечни 4:0.
Висока гостинска победа однесе Миладиновци откако со 2:4 го доби Илинден, во меч каде поголем дел од работата гостинот ја заврши во првиот дел кога имаше 0:2. Борче Бојковски беше двоен стрелец за гостинот, а по еден гол постигнаа Стефан Мицановски и Кристијан Димитриевски.
За домашниот тим во второто полувреме стрелаа Дарко Арсовски и Стефан Ивановски.
Мерис Карач со гол во 49. минута донесе победа за Долно Коњари, откако славеше гостинска победа над Марино.
Гоце Делчев на домашен терен славеше победа од 3:1 над Ускуп во натпревар каде домашниот тим преку Петревски и Дошев имаше 2:0 на полувреме, а во второто полувреме Симоновски зголеми на 3:0. До финишот од мечот гостинот преку Сулејман само ублажи на конечни 3:1.
Ланскиот третолигаш Петровец беше поразен на домашен терен од Инџиково преку пресврт со 1:3. Домаќинот преку Здравковски дојде до 1:0 во првиот дел, а во второто полувреме Мојсоски со два гола и Трпковски со еден гол обезбедија победа за Инџиково.
Екипата на Бујковци во оваа колото беше слободна.
Во однос на табелата Долно Коњари е на врвот со 16 бодови пред Гоце Делчев кој е втор со 13 бодови и Марино кој е трет со 12 бодови на своето конто. На долниот дел се Ускуп и Петровец со по еден гол.
- ЦЕЛА ТАБЕЛА ОФЛ ГАЗИ БАБА 6. КОЛО:
