Во Куќата на фудбалот беше извлечена ждрепката за четвртфиналето од Купот на Македонија во женска конкуренција.
Во четвртфиналето се пласираа седум прволигаши и еден второлигаш односно Ас Јунајтед, Каменица Саса, Кочани, Љуботен, Скопје, Тиверија Брера и Топ Гол, како и второлигашот Плачковица од Радовиш.
Ждрепката посака Кочани да игра против Каменица Саса, Љуботен против Ас Јунајтед, Тиверија Брера ќе се соочи со Скопје, а пак второлигашот Плачковица ќе игра против Топ Гол од Битола.
Дерби натпревар очекуваме во Тетово меѓу Љуботен и Ас Јунајтед, како и во Струмица меѓу Тиверија Брера и Скопје, додека пак Каменица Саса и Топ Гол како фаворити треба лесно да обезбедат полуфинале.
За екипата на Плачковица од Радовиш влезот во четвртфиналето е голем успех.
Натпреварите од четвртфиналето од Купот на Македонија на програмата ќе бидат на 5 ноември. Се игра еден натпревар, а доколку нема победник во регуларниот дел, директно ќе се изведуваат пенали.
